Жил бүрийн 05 дугаар сарын 05-ны өдөр ДЭМБ-аас гарын эрүүл ахуйг сайжруулахад хүмүүсийг нэгтгэх зорилгоор Дэлхийн гарын эрүүл ахуйн өдөр-ийг тэмдэглэн өнгөрүүлдэг билээ.

Энэ өдөр улс орон, эрүүл мэндийн байгууллага бүр гарын эрүүл ахуйг сайжруулахад шинэ арга барилыг хэрэгжүүлэх, олон нийт болон эрүүл мэндийн тусламж, үйлчилгээнд  гарын эрүүл ахуйн ач холбогдлыг  таниулах үйл ажиллагааг зохион байгуулдаг. Энэхүү тэмдэглэлт өдрийг тохиолдуулан Геронтологийн үндэсний төвийн ЭМТҮЧАБ-ын алба, Халдварын сэргийлэлт хяналтын багаас 2024 оны 5 дугаар сарын 3-ны өдөр “ЦЭВЭР ГАР-АЮУЛГҮЙ БАЙДАЛ” уриатай өдөрлөгийг төвөөр үйлчлүүлж байгаа үйлчлүүлэгчид болон эмч, эмнэлгийн мэргэжилтэн, ажилтнуудын дунд тэмдэглэн өнгөрүүллээ.

Өдөрлөгт нийт 50 гаруй хүн оролцсон. Үйлчлүүлэгч болон эмч, эмнэлгийн мэргэжилтэн, ажилтнуудад гар угаах мэдлэг дадал олгох үзүүлбэрт сургалтыг хийж,  гарын эрүүл ахуйн талаарх мэдлэгийг олголоо.

Түүнчлэн гар угаах дарааллыг харуулсан 50 ширхэг зурагт хуудсыг тараан гарын эрүүл ахуйн ач холбогдлын талаар сурталчлан таниулах арга хэмжээг зохион байгууллаа. Уг өдөрлөгийн хүрээнд иргэдийн гарын эрүүл ахуйн талаарх мэдлэг дээшилж, гараар дамжих халдварыг таслан зогсоох ач холбогдолтой ажил боллоо.