ДАВАА - БААСАН
09:00 - 16:00
11-350802
Факс: 350801
Геронтологийн үндэсний төв
СБД, 11-р хороо

Дасгал хөдөлгөөн ба түүний зарчим

Дасгал нь эрүүл мэнд, бие бялдрыг чийрэгжүүлэхэд чухал ач холбогдолтой. Тогтмол дасгал хөдөлгөөн нь таргалалт, зүрх судас, уушиг, үений далайцыг сайжруулдаг ба булчингийн массыг хадгалдаг.

Нас ахих тусам эрүүл мэнд, бие даасан байдлаа хадгалахын тулд бие махбодийн хувьд идэвхтэй байх шаардлагатай.

Дасгалыг дор хаяж 5 хоног тасралтгүй багадаа 30 мин орчим хийж байх хэрэгтэй хэрэв тийм ачаалал дааж чадахгүй бол өдөрт 2-3 удаа 10-15 минутаар хийх хэрэгтэй.

Үнэхээр дасгал хийх хугацаа гарахгүй бол лифт биш шат ашиглах,өдөрт дор хаяж 1км орчим алхах, зэргийг заавал хийгээрэй.

Дасгалын зарчим:  Дасгал хийх бүртээ дараах ерөнхий зарчимыг баримтлах хэрэгтэй

Бие халаалт (дасгал эхлэхээс өмнө биеэ халааснаас дасгалын хийх үед таны булчин шөрмөс гэмтэхээс сэргийлэхэд тусалдаг ) 10-15 мин

Үндсэн дасгалаа хийх (алхах гүйх,төхөөрөмж ашиглан дасгал хийх ба үүнд: хүзүү мөр нуруу түнх өвдөг гэх мэт бүх үе холбоосууд эрчимтэй хөдөлж сунгаж байх ёстой)

Сулруулах буюу хөргөлт хийх (дасгалын дараа хөргөлт хийснээр толгой эргэх болон булчин чангарахаас сэргийлнэ)

Бие халаалт: Бие халаалт хийснээр булчингууд нь тайван үеэс илүү их эрчимтэй хөдөлгөөн хийх боломжтой болдог бөгөөд хүний биеийн физиологийн үйл ажиллагааг тайван байдлаас дасгал хийх үед зохицон шилжих нөхцлийг бүрдүүлдэг юм. Дасгал хийх явцад идэвхтэй ажиллаж байгаа булчингуудын цусан хангамж ердийн үеийнхээс хэд дахин нэмэгддэг. Түүнээс гадна бие халаалтын явцад үе хоорондын шингэн нь жигд тархаж, үений завсрын зайг хадгалж өгдөг байна. Ингэснээрээ дасгалын явцад бэртэж гэмтэхээс хамгаалдаг.

Халаалтын дасгалыг 5-10 минут хийнэ.

Халаалтын дасгалд:    Хялбар, хөнгөн дасгалаас аажмаар хүндрүүлэн шилжүүлнэ.Хөдөлгөөнийг аажим, хэмнэлттэй хийх нь зөв.Булчин, үений уян хатан чанарыг нэмэгдүүлэх сунгалтын дасгалыг заавал багтаасан байна.

Үндсэн дасгалын үе:   Дасгал хийхдээ эхлээд дасгал нэг бүрийн техникийг зөв сурч, дэс дарааллаар нь иж бүрэн хийх учиртай. Сорил шалгуураар бие махбодид таарч буйг шалгасны дараа аажмаар давтамжаа нэмэх, шинэ дасгал нэмж хийх байдлаар баяжуулж, дасгал хийх бүрт амьсгал авах, гаргахыг зөв хослуулан хийх хэрэгтэй.

Дасгалын төрөл бүр өөр өөр үр дүн өгнө. Зарим нь зүрх судас, амьсгалын системийн үйл ажиллагааг сайжруулахад зарим нь хүч, булчингийн тэсвэр, уян хатан чанар, хурдан шалмаг байдлыг сайжруулдаг. Зүрх судас, амьсгалын системийн үйл ажиллагааг сайжруулахын тулд дасгалыг тогтмол, эрч хүчтэй хийх нь чухал. Үүнд: явган алхах (хурдтай), гүйх, сэлэх, бүжиглэх зэрэг орно.

Бие хөргөлт (төгсгөлийн үе):  Энэ үед дасгалын эрч хүчээ удаашруулж, бие халаалтын үед хийж байсан сунгалтын дасгалаа хийнэ. Дасгалын төгсгөл хэсэг нь бие халаалтын хэсэгтэй адил чухал үүрэгтэй байдаг. Бие махбодь нь дасгал хөдөлгөөн хийсний дараа аажмаар, зугуухан тайван үеийн байдалдаа шилжих ёстой. Үүний тулд дасгал хийж дуусаад шууд зогсолгүйгээр, зүрхний үйл ажиллагаагаа хэвийн байдалд шилжих хүртэл хөнгөн хэлбэрийн дасгал, хөдөлгөөнийг аажим үргэлжлүүлэн хийж, дасгалыг дуусгана. Төгсгөл хэсгийн үргэлжлэх хугацаа 5 -10 минут байхад хангалттай.

Цагийн хуваарь

Да – Ба         09:00 – 16:00

Бямба           Амарна

Ням             Амарна

Эрхэм зорилго

Монгол хүний насжилт, эрүүл мэндэд нөлөөлөх хүчин зүйлийг судалж, өвчлөлөөс сэргийлэх, оношлох, эрүүлжүүлэх, сэргээн засах, нотолгоонд тулгуурласан эрүүл мэндийн тусламж үйчилгээг үзүүлэх, үйчлүүлэгчдийг дээдэлсэн тогтолцоог бүрдүүлэн, хамт олны хөгжил дэвшлийг хангахад оршино.

Товч танилцуулга

Геронтологийн үндэсний төв нь улсын хэмжээнд насжилт судлал /геронтологи/, насны эмгэг судлал /гериатри/ эрүүл мэндийн тусламж үйлчилгээ үзүүлэх үндсэн чиг үүрэгтэй байгууллага юм.

Өргөдөл гомдол авах
88933541