2023 оны 11 дүгээр сарын 09, 10-нд Дархан-Уул аймгийн Дархан хотод “Настны эмч, мэргэжилтнүүдийг чадавхжуулах нь” үндэсний уулзалт, сургалтыг зохион байгууллаа. Тус уулзалт,  сургалтад ДЭМБ, аймаг, нийслэлийн дүүргүүд, Геронтологийн үндэсний төв, Дархан-Уул аймгийн ЭМГ болон ЗДТГазрын зэрэг нийт 70 орчим эмч мэргэжилтнүүд оролцлоо.

Тус сургалт уулзалтыг нээж Дархан-Уул аймгийн ЗДТГ-ын НБХ-ийн дарга Н.Цасчихэр, ДЭМБ-ын суурин төлөөлөгчийн газрын мэргэжилтэн Б.Алтанзагас нар үг хэллээ.

Сургалтын гол зорилго нь ДЭМБ-аас дэвшүүлж байгаа “эрүүл насжилт”-ыг дэмжих ажиллагаа, “ахмад настны цогц үнэлгээ”-г гарын авлагын дагуу хийж суралцах явдал байлаа. Тус сургалтыг ГҮТ-ийн ЭШСА-ны эмч мэргэжилтнүүд голлон удирдаж явуулсан ба Настны цогц тусламжийн дотоод чадавхийн 6 хам шинж тус бүрээр  АШУҮИХ-ын НЭМС-ийн багш АУ-ны доктор М.Сугармаа, Дархан-Уул аймаг дахь салбар Анагаах ухааны сургуулийн Эмнэл зүйн тэнхимийн багш М.Ариунболор, Б.Энх-Амгалан, Л.Ганчимэг, Эм зүй биоанагаахын тэнхимийн эрхлэгч, PHD Д.МөнхЭрдэнэ нар лекц уншлаа.

Сургалтын 2 дах өдөр Дархан-Уул аймгийн Ахмадын хөгжлийн төвийн захирал А.Янжмаа сургалт уулзалтад оролцогч нарт танилцуулж хийж, хэрэгжүүлж буй ажлынхаа талаар туршлага солилцлоо. Мөн Дархан-Уул аймгийн ЭМГ-ын Ахмад настны ЭМ-ийн асуудал хариуцсан мэргэжилтэн Д.Туул  “Дархан-Уул аймгийн ахмад настны эрүүл мэндийн тусламж, үйлчилгээний өнөөгийн байдал” сэдвээр илтгэл хэлэлцүүлэв. Сургалтын 2 дугаар өдөр нийт оролцогч нарыг 3 багт хувааж “Ахмад настны цогц тусламж”-ийн дотоод чадавхи бууралтын 3 сэдвээр кэйс бэлтгэж ажиллуулан илтгэл сонсож, үнэлгээний гарын авлагын дагуу дадлага ажил хийлгэж мэдлэгээ бататгалаа.