“Ахмадын эрүүл мэндийг дэмжих сар”-ын аяны хүрээнд 2023 оны 10 дугаар сарын 28-нд нийслэлийн ахмад настнуудын дунд хөдөлгөөнөөр эрүүл мэндээ хамгаалах, эрүүл насжилтыг сурталчлах болон ахмад залуу үеийн холбоог сайжруулах, ахмадын эрүүл мэндийг дэмжигч байгууллагуудын хамтын ажиллагааг бэхжүүлэх зорилгоор жил бүр зохион байгуулдаг арга хэмжээ болох “явган алхалт-6”-г зохион байгууллаа.

Энэ жилийн үйл ажиллагаанд ГҮТ-ийн хамтран ажиллагч байгууллагаар Нийслэлийн ахмадын хороо, “Нью Верамед” эмийн компани, “Монголын Уул-явган алхалтын холбоо”-ны аяллын хөтөч шүүгч нар дэмжигчээр оролцлоо. Явган аяллыг нээж Нийслэлийн ахмадын хорооны дарга Т.Дашням үг хэллээ.

Уг явган алхалтанд нийслэлийн 7 дүүргээс тус бүр 10 хүний бүрэлдэхүүнтэй 7 багууд, Геронтологийн Үндэсний төвийн 1 баг, “Нью Верамед” эмийн компанын баг оролцлоо. Энэ жилийн явган аялал нь Ургах наран хорооллоос эхлэн Баянзүрх хайрхан хүртэл 20 гаруй км үргэлжилсэн.

Нийт 7 багийн 70 гишүүд оролцсоноос 1.Аялах явц, сахилга бат / ирц, хувцас жигдрэлт, лого, туг гэх мэт/, 2. Багийн болон хувийн бэлтгэл, 3. Байгаль орчны ариун цэвэр, 4. Хөгжилтэй тоглоом зэрэг үзүүлэлтүүдийг харгалзан үзэж их онооны системээр дүгнэж шилдэг 2 багийг Өргөмжлөл мөнгөн шагналаар шагнаж урамшууллаа.  Мөн аяллын үеэр алхагч нарын дунд хөгжөөнт АХА тэмцээнийг “Нью Верамед” эмийн компани зохион явуулж шилдэг 5 оролцогч нарт гарын бэлэг гардууллаа.