Булчингийн масс, хүч, үйл ажиллагаа аажим буурахыг саркопени гэнэ. Энэ нь гол төлөв насжилттай холбоотой тохиолддог. Саркопени нь амьдралын чанарт нөлөөлж,  өдөр тутмын бүтээлч үйл ажиллагааг бууруулдаг байна. Өдөр тутмын бүтээлч үйл ажиллагаа буурснаар настны бие даах чадвар буурч, урт хугацааны тусламж авах буюу бусдаар асруулах хэрэгцээ нэмэгддэг. Саркопенийн улмаас насны доройтолд орох, унах, бэртэх эрсдэл ихэснэ. Сүүлийн үеийн судалгаагаар саркопени нь таргалалттай хүмүүст их тохиолдож байгаа билээ. Таргалалт, саркопени хавсрах нь дан ганц таргалалт болон саркопенитэй байхаас илүү эрсдэлтэй. Судалгаагаар 60 ба түүнээс дээш настай хүмүүсийн дунд 5-13 хувь, 80 ба түүнээс дээш настай хүмүүсийн дунд 11-50 хувь тохиолдож байна.