Ясны сийрэгжилт бол ялангуяа эмэгтэй настнуудад чадвар алдалтанд хүргэдэг нийтлэг шалтгаан мөн. Хамгийн ихээр нуруу, түнхний яс хугаралд өртдөг. Дасгал хийхэд булчингийн хүч сайжирч яс бэхжихээс гадна тэнцвэр сайжирч унах эрсдэлээс сэргийлдэг байна. 

Дасгал хийснээр:

• Булчингийн хүч сайжирна
• Тэнцвэр сайжирна
• Ясны хугарлын эрсдэл буурна
• Бөгтөр болохоос сэргийлнэ
• Өвдөлт бууруулна.

Ясны сийрэгжилтэд өндөр эрчимтэй дасгалыг 7 хоногийн 5-7 өдөрт 30 минут  хийх нь тустай гэж үздэг. Үүнд: Эсэргүүцэлтэй дасгалууд, гүйх, шогших гэх мэт  хэд хэдэн төрлийн дасгалууд орно. Гүйх зэрэг өндөр эрчимтэй дасгалыг алхах гэх мэт бага эрчимтэй дасгалтай харьцуулсан судалгаа хангалтгүй байна. Настнуудад хамгийн сайн дасгал бол алхах юм.

Мэдээлэл бэлтгэсэн: Сэргээн засахын эмч М.Эрдэнэхорол