Цусны донорын дэлхийн өдрийг угтаж Геронтологийн үндэсний төв “Цус сэлбэлт судлалын үндэсний төв”-тэй хамтран цусны донорын өдрийг тэмдэглэн өнгөрүүллээ. Өдөрлөгийн хүрээнд “Цус сэлбэлт судлалын үндэсний төв”-ийн Олон нийттэй харилцах менежер С.Нандинцацрал цусны донор болоход анхаарвал зохих зүйлсийн талаар төвийн нийт ажилтнууд болон төвөөр үйлчлүүлэгчдэд мэдээлэл өгч, зөвлөмж тараасан.
Шинэ коронавируст халдвар (COVID-19) цартахлын улмаас цусны нөөц багасаж байгаа учраас төвийн ажилтнуудын төлөөлөл ЦССҮТ-ийн явуулын баг ажиллаж байгаа “Хоймор” төвд очиж сайн дураар цусаа бэлэглэлээ. Цусны донорын дэлхийн өдрийг хамтран тэмдэглэснээр төвийн ажилтнууд болон үйлчлүүлэгчид цусны донор болохын давуу талыг ойлгуулсан үр дүнтэй үйл ажиллагаа боллоо гэж дүгнэлээ.
Цус сэлбэлт судлалын үндэсний төв