Эрүүл мэндийн хөгжлийн төвөөс “COVID-19 халдварын үеийн тусламж үйлчилгээ, халдвар хамгаалал, хариу арга хэмжээ” сэдэвт танхимын болон цахим сургалтыг 2020 оны 3 дугаар сарын 20-ны өдөр ЭМЯ-ны дэргэдэх эмнэлзүйн багийн гишүүдтэй хамтран зохион байгуулсан.
Тус сургалтад Геронтологийн үндэсний төвийн ЭТҮА-ны дарга Ч.Одгэрэл, Эмч мэргэжилтний сургалт хариуцсан мэргэжилтэн Ш.Уранчимэг, Арьс харшлын эмч, Халдварын сэргийлэлт хяналтын багийн ахлагч Г.Энхсүрэн, Сэргээн засахын эмч, Яаралтай тусламж хариуцсан мэргэжилтэн Э.Цэнд-Аюуш, Хөдөлгөөн засалч, Халдвараас сэргийлэх хянах багийн гишүүн Б.Баяржаргал нарын нийт 5 эмч мэргэжилтэн хамрагдаж, сургагч багшаар бэлтгэгдлээ.
Сургалтанд хамрагдсан сургагч багш нар 2020 оны 03 дугаар сарын 23-24-ний өдрүүдэд “Коронавируст халдвар (COVID-19)-ын дэгдэлтийн үеийн тусламж үйлчилгээ, халдвар хамгаалал, хариу арга хэмжээ”-ний талаар мэдлэг олгохоор ажлын байран дээрх сургалтуудыг зохион байгуулж байна. Сургалтад тус төвийн нийт ажилтнууд хамрагдаж байна.