Геронтологийн үндэсний төв нь настны эрүүл мэндийн чиглэлээр эмч, эмнэлгийн мэргэжилтнүүдэд Гериатрийн тусламж үйлчилгээний чиглэлээр мэргэжил арга зүйн удирдлагаар хангах үндсэн чиг үүрэгтэй. Энэхүү үйл ажиллагааны хүрээнд 2020 оны 03 дугаар сараас эхлэн 2 долоо хоног тутамд АУ магистр, Ахлах зэрэгтэй, дотор, гериатр эмч Ч.Одгэрэл нь настны эрүүл мэнд, настанд зонхилон тохиолдох өвчин эмгэгийн менежмент чиглэлээр сургалтыг зохион байгуулахаар төлөвлөж байна. Энэхүү сургалт нь зөвхөн эмч мэргэжилтэн төдийгүй настан, түүний асран хамгаалагч сонирхож болно. Хичээл “Гэрийн тусламж үйлчилгээ” фейсбүүк хуудсанд тавигдана. Сонирхсон сэдвээрээ хуваарьт өдөр төвд биеэр ирж сургалтад хамрагдаж болно. Эхний сургалт 2020 оны 03 дугаар сарын 12-ны 15 цагт “Настанд эрүүл мэндийн цогц үнэлгээ” сэдвээр болно. Сургалтыг сонирхсон эмч, эмнэлгийн мэргэжилтнүүд идэвхтэй оролцоно уу.