Геронтологийн үндэсний төвөөс 2020 онд сувилагч нарын тасралтгүй сургалтыг төлөвлөгөө гарган зохион байгуулж байна. 2020 оны 03 дугаар сарын 03-ны өдөр Эмнэлгийн тусламж үйлчилгээний албаны гериатр сувилагч Б.Ганжаргал “Бөөр шээсний замын өвчтэй үйлчлүүлэгчид үзүүлэх сувилахуйн тусламж” болон “Шээлгүүр тавих арга техник” сэдвүүдээр сургалт явууллаа. Сувилагч нарын сургалтыг сувилахуйн 5 шатлалаар баг бүлгээр ярилцах дадлага сургуулилт хэлбэрээр явуулж, шээлгүүр тавих арга техникээр гардан үйлдэл хийлгэж сувилагч нарын мэдлэг ур чадварыг шалгасан үр дүнтэй сургалт боллоо. Сургалтанд төвийн нийт 4 сувилагч хамрагдлаа.