Геронтологийн үндэсний төв нь “Энхийн хаалгач” төрийн бус байгууллагатай хамтран төвийн байранд үйл ажиллагаа явуулдаг хувийн хэвшлийн эмнэлгүүдийн эмч, эмнэлгийн мэргэжилтнүүдэд ЭМС-ын 2020 оны 02 дугаар сарын 13-ны өдрийн А/93 дугаар “Өндөржүүлсэн бэлэн байдлын зэрэгт шилжүүлэх тухай” тушаал болон коронавирус (COVID-19) халдварын дэгдэлтийн цаг үеийн нөхцөл байдлын мэдээллийг 2020 оны 03 сарын 03-ны өдрийн байдлаар танилцууллаа. Мөн коронавируст халдварын үеийн эмнэлзүйн шинж тэмдгүүд, халдварын тохиолдлын тодорхойлолт, ДЭМБ-ийн 2020 оны 02 дугаар сарын 27-ны түр удирдамжийн талаар мэдээлэл хийлээ. Тус сургалтад хувийн хэвшлийн 14 эмнэлгийн эмч мэргэжилтнүүд болон төвийн эмч мэргэжилтнүүд хамрагдсан. Сургалтын төгсгөлд Геронтологийн үндэсний төвийн барилгад үйл ажиллагаагаа явуулдаг хувийн хэвшлийн эмнэлгүүд тус төвтэй хамтран хэрхэн халдвараас сэргийлэн ажиллах талаар санал солилцов. Сургалтын үр дүнд 2020 оны 03 дугаар сарын 04-ний өдрөөс эхлэн Геронтологийн үндэсний төвийн хариуцлагатай жижүүр, хувийн хэвшлийн эмнэлгүүдийн төлөөлөлтэй хамтран коронавируст (COVID-19) халдвараас урьдчилан сэргийлэх үйл ажиллагааг эмнэлгийн төв хаалган дээр хариуцлагатай жижүүр гарган ажиллахаар шийдвэрлэлээ.