Тулгар төрийн 2228 жил, Их Монгол Улс байгуулагдсаны 813 жил, Үндэсний эрх чөлөө, тусгаар тогтнолоо сэргээн мандуулсны 108 жил, Ардын хувьсгалын 98 жил, Ардчилсан хувьсгалын 30 жил, Нийслэл Улаанбаатар хот үүсэн байгуулагдсаны 380 жилийн ойг тохиолдуулан Монгол Улсын Ерөнхийлөгчийн зарлигаар Хүн амын эрүүл мэндийг сахин хамгаалах үйлст олон жил идэвх санаачилгатай ажилласан Геронтологийн үндэсний төвийн ерөнхий захирал Р.Хишигжаргалыг Хөдөлмөрийн Гавьяаны Улаан тугийн Одонгоор шагналаа. Тус шагналыг Эрүүл мэндийн сайд Д.Сарангэрэл, яамны удирдлагын багийн хамт олон гардуулж, баяр хүргэлээ. Мөн манай төвийн хамт олон, эмч ажилтнууд бас баяр хүргэж хүлээн авав.