“Геронтологи, гериатрийн үндсэн ойлголт, орчин үеийн оношилгоо, эмчилгээний чиг хандлага” сэдэвт үйл ажиллагааг зохион байгууллаа.
![](https://gerontology.mohs.gov.mn/wp-content/uploads/2019/09/hubg2.jpg)
Архангай, Увс, Баян-Өлгий, Ховд аймгуудад “Геронтологи,
гериатрийн үндсэн ойлголт, орчин үеийн оношилгоо, эмчилгээний
чиг хандлага” сэдэвт үйл ажиллагааг зохион байгууллаа.
![](http://gerontology.mohs.gov.mn/wp-content/uploads/2019/09/hubg1.jpg)
Монгол Улсын Засгийн Газрын мөрийн хөтөлбөр, “Монгол Улсын хүн амын насжилтын асуудлаарх үндэсний стратеги”, “Эрүүл насжилт, настны эрүүл мэнд” үндэсний хөтөлбөрийг хэрэгжүүлэх ажлын хүрээнд Геронтологийн үндэсний төвөөс настанд үзүүлэх эрүүл мэндийн тусламж үйлчилгээний чанар, хүртээмжийг сайжруулах, эрүүл насжилтыг дэмжих, хамгаалах, ахмад настны амьдралын чанарыг дээшлүүлэхэд чиглэсэн үйл ажиллагааг улсын хэмжээнд зохион байгуулан ажиллаж байна.
Орон нутагт ажиллаж буй эрүүл мэндийн байгууллагуудын эмч, эмнэлгийн мэргэжилтнүүдэд настанд үзүүлэх эрүүл мэндийн тусламж үйлчилгээний онцлог, хэрэгцээ, настнуудад зонхилон тохиолдох эмгэгүүдийн талаар мэдлэг олгож, ур чадварыг дээшлүүлэх, Геронтологи, гериатрийн чиглэлээр мэргэжил арга зүйн зөвлөгөө өгөх, настнуудад эрүүл, идэвхитэй, урт насжилтыг дэмжих зорилгоор “Геронтологи, гериатрийн үндсэн ойлголт, орчин үеийн оношилгоо, эмчилгээний чиг хандлага” сэдэвт үйл ажиллагааг Архангай, Увс Баян-Өлгий, Ховд аймгуудад 09 сарын 9-нөөс 20-ны өдрүүдэд тус тус зохион байгууллаа.
![](http://gerontology.mohs.gov.mn/wp-content/uploads/2019/09/hubg9.jpg)
![](http://gerontology.mohs.gov.mn/wp-content/uploads/2019/09/hubg7.jpg)
Эмч, эмнэлгийн мэргэжилтнүүдийн багц цагийн сургалтанд аймгуудын Эрүүл мэндийн газрын алба, хэлтсийн дарга нар, ахмад настны эрүүл мэндийн тусламж үйлчилгээ хариуцсан мэргэжилтнүүд, Ховд аймгийн БОЭТ болон аймгуудын Нэгдсэн эмнэлгийн настны кабинетуудын эмч нар, сум, ӨЭМТ-үүдийн нийт 205 эмч, эмнэлгийн мэргэжилтнүүд оролцлоо.
![](http://gerontology.mohs.gov.mn/wp-content/uploads/2019/09/hubg10.jpg)
Сургалтын үеэр аймгуудын Нэгдсэн эмнэлгийн настны кабинетууд болон өрхийн эрүүл мэндийн төвүүдэд COPE үнэлгээ хийж, мэргэжил арга зүйн зөвлөгөө өгч ажиллалаа.
![](http://gerontology.mohs.gov.mn/wp-content/uploads/2019/09/hubg5.jpg)
Түүнчлэн аймгуудын Ахмадын хороотой хамтран ажиллаж, настнуудад эрүүл, идэвхитэй, урт насжилтыг дэмжихэд чиглэсэн эрүүл, зөв хооллох, дасгал хөдөлгөөн сэдвээр настнуудад зориулсан сургалт зохион байгуулж, 213 настныг хамруулав.
![](http://gerontology.mohs.gov.mn/wp-content/uploads/2019/09/hubg8.jpg)
![](http://gerontology.mohs.gov.mn/wp-content/uploads/2019/09/hubg6.jpg)
![](http://gerontology.mohs.gov.mn/wp-content/uploads/2019/09/hubg4.jpg)
![](http://gerontology.mohs.gov.mn/wp-content/uploads/2019/09/hubg3.jpg)
![](http://gerontology.mohs.gov.mn/wp-content/uploads/2019/09/71089841_2505799362986459_1967902561318993920_n.jpg)
Шинэ мэдээ, мэдээлэл
![](https://gerontology.mohs.gov.mn/wp-content/uploads/2024/01/Геронтологи-Лого-90x90.jpg)
Эмийн хэрэглээний аюулгүй байдал – Эмийг зөв хэрэглэе
2024.08.29
![](https://gerontology.mohs.gov.mn/wp-content/uploads/2023/12/cropped-photo_2023-10-31_14-35-10-e1701660071198-90x90.jpg)
Patients for Patient Safety (PFPS US): “What If?”
2024.08.29
![](https://gerontology.mohs.gov.mn/wp-content/uploads/2024/08/1.1-90x90.jpg)
ГЕРОНТОЛОГИЙН ҮНДЭСНИЙ ТӨВИЙН 2024 ОНЫ 7-Р САРЫН ҮЗЛЭГИЙН СТАТИСТИК МЭДЭЭ
2024.08.29
![](https://gerontology.mohs.gov.mn/wp-content/uploads/2024/08/1.4-90x90.jpg)
ГЕРОНТОЛОГИЙН ҮНДЭСНИЙ ТӨВИЙН 2024 ОНЫ 7-Р САРЫН ҮЗЛЭГИЙН МЭДЭЭ
2024.08.29
![](https://gerontology.mohs.gov.mn/wp-content/uploads/2024/08/image-90x90.png)
ВИРУСТ ГЕПАТИТ ӨВЧНИЙ ТУХАЙ
2024.08.05