“ЭРҮҮЛ МЭНДИЙН АЖИЛТНЫ ХӨДӨЛМӨРЛӨХ ЭРХ, ТУЛГАМДАЖ БУЙ АСУУДЛУУД” сэдэвт эрдэм шинжилгээний хуралд амжилттай оролцлоо. 
Монголын эрүүл мэндийн ажилтны ҮЭ-ийн холбооноос “Эрүүл мэндийн салбарын ажилтны өдөр”, “МҮЭ-үүдийн өдөр”, “Эрүүл мэндийн ажилтны нийгмийн хамгааллыг дэмжих сар”-ын хүрээнд болон “Монголын эмч нарын VI их хурал”-ыг угтан зохион байгуулсан “ЭРҮҮЛ МЭНДИЙН АЖИЛТНЫ ХӨДӨЛМӨРЛӨХ ЭРХ, ТУЛГАМДАЖ БУЙ АСУУДЛУУД” сэдэвт эрдэм шинжилгээний хурлыг энэ оны 8 дугаар сарын 15-ны өдөр Төрийн тусгай албан хаагчдын нэгдсэн эмнэлгийн хурлын танхимд амжилттай зохион байгуулагдлаа.
Тус эрдэм шинжилгээний хуралд Геронтологийн үндэсний төвийн судалгааны баг “Эрүүл мэндийн ажилтнуудын стрессийн түвшинг ажиллах нөхцөлтэй холбон судалсан нь” сэдэвт судалгааны ажил ханан илтгэл хэлэлцүүлж 3 судалгааны илтгэлийг шалгаруулсны нэгээр шалгарч батламж, мөнгөн шагналаар шагнагдлаа. 
Судалгааны багт: 
1. ГҮТ-ийн “Эрдэм шинжилгээ, сургалтын алба”-ны судлаач Б.Золзаяа
2. ГҮТ-ийн “Стратеги төлөвлөлтийн алба”-ны дарга М.Энхбаяр
3. ГҮТ-ийн “Эрдэм шинжилгээ, сургалтын алба”-ны судлаач Д.Болор
4. ГҮТ-ийн “Эмнэлгийн тусламж үйлчилгээний алба”-ны ЭМН ажилтан Л.Сарантуяа нар оролцлоо.