Геронтологийн үндэсний төв нь ДЭМБ-ын дэмжлэгтэйгээр Нийслэлийн Эрүүл мэндийн газартай хамтран ахмад настны эрүүл мэндийн цогц үнэлгээ, тусламж үйлчилгээ (ICOPE)-ийн тухай сургалтыг 11 дүгээр сарын 24-нд “Өргөө” амаржих газарт зохион байгууллаа.
Сургалтад Чингэлтэй, Баянзүрх дүүргийн зарим хорооны ӨЭМТ-ийн эмч, мэргэжилтнүүд хамрагдсан бөгөөд
• ДЭМБ-ын Эрүүл насжилтын 10 жилийн төлөвлөгөө,
• “Ахмад настны тухай” хуулийн шинэчилсэн найруулга,
• ICOPE аргачлал, гамшигт өртөмтгий 6 хам шинж (танин мэдэхүй, сэтгэл гутрал, хөдөлгөөн, хоол тэжээл, хараа, сонсгол)
зэрэг гол сэдвүүдээр онол, дадлага хосолсон сургалт явагдлаа.
Дадлага ажлын хүрээнд оролцогчид ахмад настанд 6 хам шинжийн үнэлгээг хийх, асран хамгаалагчийн хэрэгцээг тодорхойлох, цогц төлөвлөгөө боловсруулах зэрэг чадамжуудыг сайжрууллаа.
Нийслэлийн өрхийн түвшинд ахмад настанд үзүүлэх тусламж, үйлчилгээний чанар, хүртээмжийг нэмэгдүүлэх чухал ач холбогдолтой.
