Баянзүрх дүүргийн 1-р хороо болон 3-р хороотой хамтран ахмад настнуудад зориулсан “Ахмад настанд илрэх сэтгэлзүйн асуудлууд” болон “Чихрийн шижин өвчнөөс сэргийлье” сэдэвт сургалтыг амжилттай зохион байгууллаа.
“Өчигдөргүй өнөөдөр, өнөөдөргүй маргааш үгүй” гэдэг. Ахмадууд бол бидний түүх, соёл, ёс заншлыг үе дамжуулан авч ирсэн буянтай буурлууд бөгөөд тэднээс бидний сурах зүйл, хүндэтгэх шалтгаан үргэлж олон билээ.
Сургалтын үеэр ахмадуудад:
• Насжилтаас үүдэлтэй сэтгэлзүйн өөрчлөлт, түүнийг таних болон урьдчилан сэргийлэх арга
• Чихрийн шижин өвчний шинж тэмдэг, эрсдэлт хүчин зүйл, зөв хооллолт ба амьдралын хэв маяг
• Өвчнөөс урьдчилан сэргийлэх энгийн бөгөөд үр дүнтэй зөвлөмжүүд зэргийг ойлгомжтой, бодит жишээтэйгээр хүргэлээ.
Ахмадууд сургалтад идэвхтэй оролцож, өөрсдийн эрүүл мэнд, сэтгэлзүйн байдалтай холбоотой асуултуудыг хуваалцан, зөвлөгөө авч, чөлөөтэй ярилцсан нь сургалтын ач холбогдлыг улам нэмэгдүүлэв.Эрүүл, идэвхтэй, урт наслалт бол хүн бүрийн ирээдүй.
